Svenja Roth

Liebi Svenja, obwohl ich dich nöd persönlich kennt han,gspüre ich wie sehr dich dini Liebste vermisset.ich gspüre,du bisch en wunderbare Mensch gsi und hinterlosch e grossi Lucke. Es tuet weh gueti Fründe lide z gseh und z merke ,dass me nöd chan helfe.S einzig woni chan mache isch, z säge das ich an eu denke und eu vil Chraft  wünsche.Liebi Svenja, rueh in Fride im Himmel mit de Gwüssheit, das dich alli nöd vergesset und immer lieb hend.Din churze irdische Weg het grossi Spure hinterloh wo di ganz Familie Roth es Lebelang begleitet und bericheret.

...niemals vergässe, ghöre dini Stimm no i mine Ohre. Es fühlt sich nach wie vor so surreal aa. 

Liebi Svenja, ich vermisse dich ganz fürchterlich! Wie gern würd ich dich wieder mal in Arm näh, wie gern mit dir chli plaudere, ustuusche wies so gaht, dich gspühre, dich schmöcke, dich ghöre lache,dini Stimm ghöre, e Nachricht vo dir läse, e Frag vo dir beantworte, es Bild vo dir aaluege, euis Znachtesse fötografiere und enand zueschicke. Du bisch soo en positive fröhliche Mensch gsi, du hesch mis Läbe unendlich bericheret, so oft hesch du mich massiert, bisch immer für mich da gsii. Bisch so e liebevolli Tochter und au mini Best Fründin gsi...din Tod trifft mi unglaublich hert. Es fühlt sich aa, als het mer öpper s Herz usegrisse...mis liebe Chind, es tuet soo unglaublich weh..